Insane
মুখ্য পৃষ্ঠা
06/04/2514:40

•উদাস ফাগুন•

কাৰ সান্নিধ্যত আহিলি ফাগুন
ফুলালি পলাশ মদাৰ
বাৰিৰ চুকৰ শিমলু জোপাৰ
তোৰ আগমনত লাগিল বেজাৰ ।

দূৰৈত এখনি কুলু কুলু নৈৰ প্ৰতিধ্বনি
অচিন ঘাটত গৰখীয়াৰ বাঁহী
কঁহুৱাই নাছিলে গছৰ পাত সৰিলে
জুই লগা আকাশত মদাৰৰ হাঁহি ।

তৰাং পথাৰত চিলা উৰুৱাই
পাৰ হৈ গ'ল মোৰ ল'ৰালি
যৌৱনৰ দূৱাৰ দলিত পিচলি পৰিলো
এতিয়া আৰু নাই শৈশৱৰ ধেমালী ।

চিতাৰ এমুঠি চাই উৰুৱাই
যিদিনা পাৰ হ'ল মতলিয়া ফাগুন
মলয়া বতাহৰ মিঠা সুগন্ধত
উৰি নাযায় প্ৰেমিক মনৰ নাচোন ।

© ৰাজু কলিতা